කොටි මට දීපු RAG එක (3වෙනි කොටස)

මුලින්ම හැමෝම තරහ අවසර වෙන්න ඕන මේ කතාව පරක්කු උනාට. මහලොකුවට IT කලාට තමත් save කරන්න අමතක වෙන ලෙඩේ තියෙනවනෙ. ඉතින් මේ කොටස ලියපු doc එක මගේ අතින් save නොකරම close මම මේ බ්ලොග් කරනයෙ අනිත් අය වගේ ලස්සනට ලිව්වෙ නැති උනත් මේ කතා ටිකට තමයි මේ වෙනකොට වැඩිම හිට්ස් ගනනක් තියෙන්නේ. මේකත් ඉතින් නිකන් කසාය බොනවා වගේ වෙයිද දන්නේ නෑ. :D :D :D ඉතින් මුලින් කතා කොටස් දෙක කියවපු නැති අයයි මතක නැති අයයි ගිහින් මතක් කොරගෙනම ආවනම්.
පලමු කොටස
දෙවනි කොටස
==============================================================
ඉතින් ඔන්න ඔහොම මම AR sirව හම්බෙලා ගැහි ගැහි එනවා. මොකද කිව්ව හැටියට වැඩෙ බරපතල්යි වගේ. ඔය ඩොටෙ ඉදන් ආපු මම එච්චර සමජ ගත වෙලා තිබ්බෙත් නෑ ඒ වෙනකොට. ඉතින් වෙලාව 9.30 විත්ර ඇති මව එක්කගෙන ආපු අයියා (non academic අයියා කෙනෙක්) මාව ඒ වෙනකොට උගන්න උගන්න හිටපු සර් කෙනෙකුට මාව හදුන්වලා දීල ගියා. මාත් ඉතින් පන්තියෙ අන්තිම පේලියෙ වාඩි වෙලා මගෙ මුල්ම දේශනය අහන්න ගත්තා. මොන මොන මගුලක්වත් තෙරෙන්නෙ නෑ. සර් මොනද මන්දා code වගයක් දාල විස්තර කරනවා. මට මුකුත් තෙරෙන්නෙන් නෑ අනික කඩ්ඩ. අහෝ දුකකි ඉරකි තිතකි කිව්වලු යන්තකම් අකුරු 2, 3ක් ගැට ගහගත්තට මට කියපුව තෙරුම් ගන්න බෑ. අනික මගේ හිතෙ තිබ්බ බය. ඔය අතරේ පන්තියේ හිටපු එකා දෙන්න හැරිල අමුතු සතෙක් දිහා බලනව වගේ මන් දිහා බලනවා. එතකොට තමා මගෙ ඇගෙ මයිල් ඉස්මයිල් උනෙ. වෙන මොකකටවත් නෙවෙයි ඒ වෙලාවෙ මතක් වෙච්ච දෙයක් නිසා තමයි එහෙම උනෙ.

අප්පා මුන් ටික මට වැඩිය මාස තුනක් කලින් නේද ඇවිත් තියෙන්නෙ. කාපන්කො දැන් ඉතින් මුන්ගෙනුත් Rag එක.ඊට පස්සෙ සර් කියපු එක වචනයක් ඇහුනෙ නෑ. හොදටම දාඩිය දැම්මා. :))

ඔන්න ඉතින් සරුත් උගන්වලා ඉවර වෙලා යන්න ගියා විතරයි මුලු පන්තියම ගාල කඩාගෙන වගෙ ඇවිත් මාව වට කරගෙන විස්තර අහනව. ඔය ඉතින් මම හිතුවේ කිරිගහට කොරහෙන් ගැහුවා වගේ. දැන් ඉතින් කාපියකො Rag. එත් අප්පා කට්ටිය්ම අහන්නෙ එකම ටික නම ගම අම්මා තාත්තා ගැන පව්ලෙ විස්තර ඉස්කොලෙ විස්තර අරවද මෙවද මට නිකන් පිස්සු වගේ ඇයි දෙයියනෙ එකෙකුට කියන කොට අහගෙන හිටයනම් ඉවරයිනේ. පස්සෙ තමයි තෙරුනේ මේ අහන්නේ පස්සෙ අයියලා ඇහුවම කියන්න කියලා මම නම් හිතුවෙම මාව Rag කරනවා කියලා.

ඉතින් ඔය අතරෙ පනිවිඩයක් ආවා තාත්තා එන්න කිව්ව කියලා. මම් ඉතින් යන්තම් එතනින් බෙරිලා එලියට ආව. පහලට යන්න මොන මට පාර මතක නෑ දෙවෙනි තට්ටුවෙ ඉන්දලා පහලට යන්න. බය උනු පාර. පස්සෙ තාත්තා පහල ඉදන් මට එන්න ඕන පැත්ත කිව්වම මම පහලට ඇවිත් තාත්තා හම්බුනා. ඔය අතරෙ තාත්තා හොස්ටල් ඔෆිස් එක හොයාගෙන මට ඉන්න හොස්ටල් එක සෙට් කරලා මගෙ අත්සන ගන්න තමයි එන්න කියල තියෙන්නෙ. එකත් කරලා තත්තා එක්කම ඔෆිස් එකට ගිහින් එකත් බාර දිලා කැන්ටිමට ගියා. තාත්තා කිව්වා හවස 4ට එන්නම් එක්ක යන්න. එදා නතර වෙන්න ගල්කිස්සෙ හිටපු නෑදෑයෙක්ගෙ ගෙයක් සෙට් කර ගත්තා කියලා.

ඔන්න ඔහොම දවස ගෙවිලා ගියා කට්ටිය මට පුලු පුලුවන් විදියට අයියලාගෙ උපදෙස් කියලා දුන්නා. මටනම් මෙලො මලදානයක් තෙරුනේ නෑ. බොරුවට ඔලුව වන වන හිටිය තෙරුනා වගේ(ඔය දවසෙ වෙච්ච් තව කතා තියෙනවා ඒවා වෙනම දාන්නම්. නැත්නම් අදත් කතාව ඉවර කරන්න බැරි වෙනවා)

ඔන්න හවස 4වෙනකොට ආරන්චියක් ආව අපිට අද බොඩිම්ක් වලට යන්න පුලුවන් අද අයියලා අපිත් එක්ක සුහද කතාවට එන්නේ නෑ කියලා.මටනම් ඉතින් මාර හැපි. මගේ මුල්ම දවස සැහෙන්න වාසනාවන්තයි. එත් මගෙ කට අපෙ හිටපු සමහර උන්ට අයියලට කතා නොකර බෑම කිව්වා. උන්ට ඉන්න කියලා අපි ඉතින් පේලි හැදිලා පාරට ආව. තත්තා එතන ඉදලා මාවත් අරන් ගල්කිස්සට යන්න පටන් ගත්තා.

පස්සෙ තාත්තා කිව්වා වෙලාසන වැඩි නිසා හොස්ටල් එකත් බලලම යමු කියලා. හොස්ටල් එක තිබ්බෙ අගුලාන German tech එක ගාව. සමහර විට අපි හොස්ටල් එක බලන්න ගියේ නැත්නම් සමහර විට මේ කියන සිද්දිය වෙන වෙලාවෙ අපි එතන ඉන්නත් තිබුනා. ඔන්න අපි හොස්ටල් එක බලලා ආයිත් ඇවිත් බස් එකට නැග්ගා ගල්කිස්සට එන්න. අපිට හෝල්ට් 2ක්වත් එන්න බැරිඋනා පොලිස් වාහනයක් ඇවිත් වාහන ඔක්ක්ම නවත්තන්න කිය කිය ගියා. පස්සෙ බලන කොට එදා බෙලෙක් කඩෙ හන්දිය ගාවදි ගුවන් හමුදා බස් එකකට මරාගෙන මැරෙන බොම්බ ප්රහාරයක් එල්ල කරලා. පස්සෙ දැන ගත්ත විදිය එදා හමුදාවෙ ගොඩක් දෙනෙක්ට හානි උනා. පස්සෙ කරන්න දෙයක් නැත් තැන අපි බස් එකන් බැහැලා පයින්ම අගුලානෙ ඉදලා ගල්කිස්සට යනකම් ගියා. එදා ලේ උඩින් ගිය ගමන මට තාම මතක්යි. ඇස් දෙක පියාගෙන (මට තාමත් ලේ බලන්න බෑ. ඔලුව කැරකෙනවා) තාත්තගෙ අතෙ එල්ලිල ගිය හැටි තාම මතකයි.

එදා අයියලගෙ Rag එකෙන් බෙරුනට කොටි මෙ කරපු වැඩේ නිස මට හොද දුරක් පයින් යන්න උනා. එකයි මම මේ පොස්ට් එක කොටි මට දීපු Rag එක කියල නම් කලේ. එදා උන් කරපු ඒ වැඩේ නිසා මම පහුවදා හොදට අහගත්තා අයියලගෙන් රැව්ල කපන්න බැරි වෙලා ගිය නිසා. ඇයි ඉතින් පයින් ගාටපු නිසා එව්වා මුකුත් ගන්න බැරි උනා. x( x(
ඔන්න ඔහොම තමයි කොටි මට Rag එක දුන්නේ. තමත් මට අමතක නොවන සිද්දි අතර එක සිදුවීමක්. එහෙම සිද්දි කීපයක් තියෙනවා. එවත් ඉඩ තියෙන වෙලාවට දාන්නම්.

ප.ලි.
කතාව මට උපරිමයෙන් ලිව්වා. ඒත් එච්චරම රසවත්ව ලියන්න නම් බැරි උනා. :)) :)) (හරියට මීට කලින් පට්ටෙටම ලියලා තියෙනවා වගේ ;) :) ;;) )